Пісьменнік і гісторык Уладзімір Арлоў, які цяпер знаходзіцца ў вымушанай эміграцыі ў Беластоку, стаў адным з 11 лаўрэатаў штогадовай прэміі маршалка Падляшскага ваяводства за дасягненні ў галіне мастацкай творчасці, пашырэння і аховы культуры. 5 снежня ў сядзібе Маршалкоўскай управы адбылося ўрачыстае ўзнагароджанне беларускага літаратара.
У аўторак у Падкамітэце па Еўропе Камітэта па замежных справах Палаты прадстаўнікоў Кангрэса ЗША прайшлі слуханні па Беларусі. Асноўным спікерам была Святлана Ціханоўская.
У Беластоку фонд «Тутака» абвесціў аб правядзенні Трэцяга міжнароднага дэкламатарскага конкурса. Да канца студзеня 2024 года жадаючыя могуць даслаць відэа з запісам сваёй дэкламацыі вершаванага ці празаічнага твора. Найлепшыя выканаўцы сустрэнуцца на сцэне Беластоцкага тэатра лялек, дзе ў Дзень роднай мовы 21 лютага адбудзецца ўрачысты фінал. Пра абвешчаны конкурс, яго мэты, асаблівасці правядзення і ўдзельнікаў наш карэспандэнт Уладзімір Лапцэвіч пагутарыў са старшынёй Праграмнай рады фонду «Тутака» Зміцерам Косціным.
Заўтра ў Вашынгтоне пачне працу пляцоўка стратэгічнага дыялогу Беларусь – ЗША. Гэта новы фармат не толькі ў дачыненнях паміж ЗША і дэмакратычнай Беларуссю, але і прэцэдэнт у сусветнай практыцы. Пра тое, чым унікальная сітуацыя наладжвання стратэгічнага дыялогу паміж дэмакратычнымі сіламі Беларусі і дзяржаўнай адміністрацыяй Злучаных Штатаў Амерыкі і якія чаканні мае ад фармату беларускі бок мы паразмаўлялі з прадстаўніком Аб’яднанага пераходнага кабінета па міжнародных справах Валерам Кавалеўскім.
У Варшаве 2-3 снежня Каардынацыйная Рада праводзіла слуханні па пытаннях палітвязняў. У мерапрыемстве ўзялі ўдзел прадстаўнікі палітычнай і грамадскай супольнасці дэмакратычных сіл, былі і непасрэдна былыя палітзняволеныя. Адна з мэт слуханняў – збліжэнне пазіцый дэмакратычных сіл па гэтым пытанні і выпрацоўка стратэгіі па вызваленні палітзняволеных.
35-годдзе Таварыства Беларускай культуры адзначылі ў выходныя беларусы Літвы. Больш за тры дзесяцігоддзі гэтая арганізацыя, заснаваная, дарэчы, літоўцам, аб’ядноўвае нашых суайчыннікаў, спрыяе захаванню беларускай культуры, развіццю двухбаковых стасункаў і спрабуе вырашаць праблемныя пытанні гэтых самых стасункаў.
У Каардынацыйнай Радзе прапанаваныя сем розных канцэпцыяў правядзення выбараў: ад мажарытарнай сістэмы праз галасаванне за канкрэтных асобаў да галасавання за спісы ад пэўных палітычных сіл. Пра прапанаваную ім канцэпцыю правядзення выбараў распавядае кіраўнік фракцыі «Адзінства па-над межамі» і прадстаўнік беларускай дыяспары ў грузінскай Аджарыі Раман Кісляк.
Выстава карцін з відамі Беластоку майстроў пэндзля з Беларусі і Украіны адкрылася ў мясцовым гандлёвай галерэі «Альфа». Удзельнікі мастацкага мерапрыемства распавядаюць аб горадзе, дзе яны цяпер жывуць, ратуючыся ад вайны альбо палітычнага пераследу. Выстава працягнецца да 20 снежня. Яна носіць характар дабрачыннага аўкцыёна – грошы ад купленых карцін пойдуць на патрэбы ўцекачоў.
Цэнтр беларускай культуры, які ад новага году мусіць з’явіцца ў Беластоку, зацікаўлены ў шчыльным супрацоўніцтве з прадстаўнікамі дыяспары, распавёў на сустрэчы з беларусамі-эмігрантамі ў хабе «Новая зямля» дырэктар культурніцкай установы Анатоль Вап.
У Кіеве напярэдадані адбылася канферэнцыя беларукіх дэмакратычных сіл «Шлях да волі». Асноўным арганізатарам яе выступіў полк імя Кастуся Каліноўскага. Таксама ў аргкамітэт і рабочую групу ўвайшлі Офіс Святланы Ціханоўскай, Каардынацыйная Рада і Нацыянальны вызвольны рух «Вольная Беларусь». Мерапрыемства сабрала каля 150 удзельнікаў ад розных беларускіх арганізацыяў, ініцыятываў, медыяў, а таксама дэпутатаў Вярхоўнай Рады Украіны, прадстаўнікоў украінскай і беларускай экспертных супольнасцяў, беларускіх ваяроў ва Украіне і валанцёраў.
