Tag

Світанак свабоды-падкаст

Browsing

Развітанне з беларускім добраахвотнікам Эдуардам Лобавым, які загінуў у канцы студзеня ва Украіне, адбудзецца ў Кіеве 4 лютага а 14:00 у Саборы Святога Аляксандра. Пазней жалобная цырымонія пройдзе ў Варшаве, дзе малады чалавек будзе пахаваны. Дату і месца родныя паведамяць пазней.

Гомельскі актывіст, валанцёр, экс-палітвязень Ілля Міронаў паскардзіўся ў Следчы камітэт на дзяржаўнага прапагандыста з канала СТВ Рыгора Азаронка. Ён запатрабаваў прыцягнуць Азаронка за крымінальнай адказнасці паводле артыкула 130 Крымінальнага кодэкса, за распальванне сацыяльнай варажнечы. Сам Ілля за каментар у інтэрнэце пад навіной аб сітуацыі ў кватэры менскага айцішніка Андрэя Зельцара восенню 21-га года правёў у Гомельскім СІЗА больш за год менавіта за нібыта распальванне варажнечы паводле таго самага артыкула 130. Ілля Міронаў распавёў, што яго падштурхнула да напісання заявы на Азаронка і як ён ставіцца да пагроз на свой адрас.

Ва Украіне выпушчаны паштовы канверт з выявай беларускага праваабронцы, пісьменніка і лаўрэата Нобелеўскай прэміі Алеся Бяляцкага, а таксама паштовая марка з выявай адной з першых паштовых марак незалежнай Беларусі, на якой намаляваны нацыянальны герб Беларусі – «Пагоня». Адным з ініцыятараў выпуску такой філатэлістычнай прадукцыі ва Украіне стаў грамадскі дзеяч, караўнік Тэрнопальскай кінакамісіі Валадымыр Ханас. Вось што ён распавёў у інтэрв’ю нашаму радыё:

28 студзеня беларуская тэнісістка Арына Сабаленка стала пераможцай Адкрытага чэмпіянату Аўстраліі 2023 года ў адзіночным разрадзе. Гэтая перамога выклікала радасць у Лукашэнкі, бо Сабаленка – адна са спартсменак, якія падпісалі ліст у падтрымку дыктатара. Шмат беларусаў, якія пацярпелі ад рэжыму, абурыліся тым, што Сабаленку дапусцілі да турніра пад нейтральным сцягам. Каб спыніць магчымасць праўладным спартсменам з Расіі і Беларусі выступаць у міжнародных спаборніцтвах Польшча і іншыя краіны збіраюцца вылучыць ультыматум Міжнароднаму алімпійскаму камітэту ў выпадку допуску спартсменаў з Расіі і Беларусі да ўдзелу ў Алімпіядзе 2024. Кіраўнік Незалежнага фонду спартыўнай салідарнасці Аляксандр Апейкін пракаментаваў допуск Сабаленкі да турніру, магчымы ўльтыматум МАКу і парушэнні правоў беларускіх спартсменаў, што пацярпелі ад рэжыму.

26 студзеня прайшла першая сустрэча сяброў адноўленай Каардынацыйнай рады па арганізацыі працэса пераадолення крызісу. Гэту падзею прывітала асабіста Святлана Ціханоўская. Беларусы ў каментарах ставяцца да працэса рэфармавання з асцярогай. Адказная за рэформу КР, юрыстка і палітык Вольга Кавалькова пракаментавала пачатак працы адноўленай Каардынацыйнай рады.

Незадоўга да новага года, 18 снежня мінулага года, беларускую тэатральную супольнасць узрушыла сумная навіна – з-за няшчаснага выпадку загінуў вядомы беларускі тэатральны крытык, рэжысёр, мастацтвазнаўца Аляксей Стрэльнікаў. Праз 40 дзён пасля яго трагічнай смерці ў Варшаве ў музеі Вольнай Беларусі адбыўся вечар памяці, прысвечаны Аляксею.

У сеціва патрапіла вялікая база кодаў расійскай кампаніі «Яндэкс». 44, 7 гігабайт з «Яндэкс – мапаў», дырэкту, пошты, таксі, пошукавага рухавіку і «Алісы». «Яндэкс» падцвердзіў уцечку інфармацыі і запэўніў, што карыстальнікам нічога не пагражае, бо персанальных дадзеных там няма. Для ІТ – супольнасці такі зліў – падзея, бо адкрывае шмат сакрэтнай, унутранай інфармацыі пра працу кампаніі. Беларускі ІТ-спецыяліст Аляксандр Чарнавокі пракаментаваў зліў і рэакцыю на яго прафесійнай супольнасці.

160 год таму, 22 студзеня 1863 года пачалося студзеньскае паўстанне. Хутка яно пашырылася і на тэрыторыю Беларусі, дзе яго ўзначаліў Кастусь Каліноўскі. Гэтыя падзеі сталі падмуркам для беларускага нацыянальнага адраджэння.

Імя Святланы Зелянкоўскай беларускія тэатраманы прыгадваюць з асаблівай цеплынёй. Яна была зоркай, сапраўднай прымай. Вобразы, створаныя ёю ў Купалаўскім тэатры, краналі, узрушалі, хвалявалі! Пасля пераезду ў Кіеў Святлана яшчэ некаторы час заставалася часткай трупы, але потым з тэатра сышла. Вяртанне на вялікую сцэну – гэтым разам ужо з вольнымі купалаўцамі – адбылося ў Варшаве, у спектаклі Мікалая Пінігіна «Рамантыка». А не так даўно стала вядома, што Святлана Зелянкоўская адкрыла ў польскай сталіцы сваю тэатр-студыю «Зялёнае святло».

За апошні тыдзень адбылося некалькі падзей, якія ў чарговы раз паказалі стаўленне афіцыйнага Кіева да афіцыйных прадстаўнікоў беларускіх дэмакратычных сілаў. Пры гэтым унутры беларускай апазіцыі працягваецца барацьба за ўвагу Кіева і беларусаў. Намеснік камандзіра палка імя Кастуся Каліноўскага Вадзім Кабанчук адказаў на актуальныя пытанні вакол апошніх падзей.