Беларускі шоумен і вядоўца праграмы «А я вам сейчас покажу» на YouTube-канале NEXTA Дзмітрый Танковіч выступіў у Варшаве са сваім монаспектаклем «Пра што маўчаць мужчыны». Акцёр падзяліўся ўражаннямі ад варшаўскага дэбюту і распавёў пра супрацу з NEXTA.
У Варшаве праходзіць міжнародны форум «Belarus Business Harbour 2022». Сёлета на тэмы асноўных дакладаў паўплывала вайна ва Украіне: беларускі бізнес вымушаны быў рэлакавацца не толькі з Беларусі па палітычных прычынах, а яшчэ і з Украіны – па прычыне небяспекі ваеннай.
У Вільні ў бібліятэцы Акадэміі навук Літвы адкрылася выстава мастацкіх твораў, прысвечаных Францыску Скарыну. У экспазіцыі – палотны, створаныя падчас пленэра «Слядамі Скарыны», які Таварыства беларускай культуры ў Літве праводзіла ў жніўні.
Сама мала 10 катавальняў на вызваленай тэрыторыі, масавыя пахаванні і здзекі з замежнікаў – тое, што пабачылі ўкраінскія паліцэйскія, калі адразу за вайскоўцамі ўвайшлі ў дэакупаваныя гарады і сёлы Харкаўшчыны, а таксама – як выкрываюць калабарантаў, што супрацоўнічалі з захопнікамі, і што з імі будзе надалей. Асноўнае з брыфінгу кіраўніка Нацыянальнай паліцыі Украіны Ігара Кліменкі.
Калі глядзець на лічбы статыстыкі, якія яшчэ можна знайсці ў адкрытым доступе, то сітуацыя ў эканоміцы Беларусі аптымізму не выклікае: ВУП упаў на 5.2%, інфляцыя з пачатку года амаль 18%, прыблізна на 8% скараціўся знешні гандаль. Тым не менш, эксперты даследчага цэнтра BEROC фіксуюць паляпшэнне эканамічнага і фінансавага настрою бізнесу і беларусаў. Вайна і санкцыі аказаліся не такімі балючымі, як здавалася ў красавіку падчас мінулага апытання, а беларускім уладам пакуль удаецца купіраваць ключавыя шокі.
14 верасня, два гады таму, жыхары Брэста падчас пратэстаў зладзілі вялікі карагод і каля 20 хвілін танчылі на дарозе.
14 верасня гарадзенскаму журналісту-расследавальніку Дзянісу Івашыну прысудзілі 13 гадоў і 1 месяц за нібыта здраду радзіме. Галоўная віна журналіста ў тым, што ён расследаваў злачынствы лукашэнкаўскага і пуцінскага рэжымаў. Жонка Дзяніса Вольга Івашына пракаментавала гэты вырак.
Беларускі ГУБАЗіК узначаліў Андрэй Ананенка, які раней кіраваў 5 упраўленнем ГУБАЗіКа па Мінску. Кіраўнік BYPOL і адказны за аднаўленне правапарадку ў пераходным Кабінеце Святланы Ціханоўскай Аляксандр Азараў, які служыў з Ананенкам да 2020 года, кажа, што гэты афіцэр выконвае загады беспярэчна і мае неабмежаваны давер Мікалая Карпянкова.
Беларуская ініцыятыва брытанскага аналітычнага цэнтра Chatham House завяршыла чацвёртага даследавання пра стаўленне беларусаў да вайны ва Украіне і таго, як яно змянілася за паўгады. У Беларускім прэс-клубе адбылася прэзентацыя даследавання, яго вынікі прадставіў дырэктар Беларускай ініцыятывы Chatham House Рыгор Астапеня.
У Варшаве 13 верасня прайшоў марш супраць ксенафобіі ў дачыненні да беларусаў і украінцаў. Нагодай стаў нядаўні напад на кампанію украінцаў і беларусаў у адным з раёнаў Варшавы. Шэсце арганізавалі жыхары гэтага раёна.
