Поўнамаштабную вайну Расіі з Украінай, якая доўжыцца ўжо больш за год і з’яўляецца часткай дзевяцігадовай агрэсіўнай палітыкі Крамля, можна аналізаваць як у геапалітычным кантэксце, так і ў кантэксце двухбаковых стасункаў паміж Масквой і Кіевам. Цалкам падпарадкаваная Расіі Украіна павінна адыгрываць ключавую ролю ў дасягненні мэты Уладзіміра Пуціна па аднаўленні Расійскай імперыі. Імкненне да рэалізацыі гэтай мэты ўзаконена расійскімі ўладамі, якія выкарыстоўваюць супраць украінскага народа злачынныя сродкі, у тым ліку акты генацыду.

Чым бліжэйшыя парламенцкія выбары ў Польшчы, тым больш у беларускай прапагандзе польскага кантэнту. Часам здаецца, што менавіта жыхары Беларусі будуць галасаваць: так падрабязна ў афіцыйных беларускіх СМІ расказваюць пра праграму кожнай партыі і ледзь не пра кожнага кандыдата. Беларускія ўлады занялі выразна анты ПіСаўскую пазіцыю, але і не прадэманстравалі відавочнай падтрымкі апазіцыі. Пакуль у Беларусі асцярожна спадзяюцца на перазагрузку стасункаў з Польшчай пасля выбараў.

Дэмакратычныя сілы Беларусі як ніколі блізкія да таго, што будзе выдадзены ордэр на арышт Аляксандра Лукашэнкі за выкраданне ўкраінскіх дзяцей – заявіла лідэр беларускіх дэмакратычных сіл Святлана Ціханоўская. Раней Еўрапарламент падтрымаў яе прапанову і заклікаў Міжнародны крымінальны суд у Гаазе выдаць ордэр на арышт Лукашэнкі, якога назвалі саўдзельнікам гвалтоўнага вывазу больш чым 2150 дзяцей з акупаваных Расіяй рэгіёнаў Украіны ў Беларусь, дзе дзеці падвяргаюцца русіфікацыі і ідэалагічнай апрацоўцы«. Рэжым у Мінску ўсе абвінавачанні абвяргае і нават арганізаваў паездку дыпламатаў да «шчаслівых» украінскіх дзяцей, але не ўсе захацелі ўдзельнічаць у гэтым прапагандысцкім прадстаўленні.

У Ізраілі рэзка адрэагавалі на артыкул у прапагандысцкай беларускай газеце «Мінская праўда», дзе атака ХАМАС на Ізраіль называецца «перамогай Масквы і Мінска». Артыкул, праўда, вельмі хутка выдалілі з сайта выдання, паколькі афіцыйны Мінск яшчэ не вызначыўся, чый бок займаць у канфлікце. Там чакалі ўказанняў з Масквы. І дачакаліся.

Фільм Агнешкі Холанд «Зялёная мяжа» знайшоў пазітыўны водгук у расійскіх і беларускіх СМІ. Узгадкі пра яго ёсць і ў расійскай блогасфэры. Там стужку выкарыстоўваюць для дыскрэдытацыі Польшчы, яе палітыкі і дзейнасці дзяржаўных інстытутаў.

Беларускія ўлады на фоне масавай міграцыі з краіны пачалі рабіць захады, каб школьнікі не з’язджалі вучыцца за мяжу, у прыватнасці ў Польшчу. На адміністрацыйным узроўні ўскладнілі працэдуру апастылявання дакументаў, неабходных для паступлення за мяжу. Акрамя таго, за апошні год гэтая працэдура падаражэла ў 10 разоў. Вядома аб выпадках звальнення настаўнікаў і дырэктараў школ, выпускнікі якіх масава зʼязджаюць вучыцца ў Польшчу.

Упаўнаважаны польскага ўрада па бяспецы інфармацыйнай прасторы, міністр Станіслаў Жарын падрыхтаваў даклад «Расійская сетка ілжы», у якім ідзе размова аб пракрамлёўскіх крыніцах інфармацыі па-за Расіяй, якія тая выкарыстоўвае для распаўсюджвання прапаганды і дэзінфармацыі. У дакладзе можна знайсці даволі падрабязны агляд СМІ, форумаў і блогаў, якія транслююць ілжывую і неправераную інфармацыю, у тым ліку і ў Польшчы.

Апублікаваныя праектам gulagu.net прызнанні «вагнераўцаў» шакуюць і ашаламляюць. На імгненне я задумаўся, а ці можна ўвогуле выкарыстоўваць тэрмін «салдаты» для абазначэння «вагнераўцаў», і адказ апынуўся відавочным. Яны мярзотнікі, злачынцы і бандыты. Нашэнне формы не робіць іх салдатамі.

Афіцыйна дзейнасць расійскіх прапагандысцкіх каналаў у краінах Балтыі забароненая як на нацыянальным узроўні, так і на еўрапейскім. Неўзабаве пасля пачатку расійскага ўварвання ва Украіну ўстановы, адказныя за рэгуляванне сферы інфармацыі ў Літве, Латвіі і Эстоніі, выдалі распараджэнні спыніць вяшчанне такіх каналаў як РТР-Планета, НТВ-Мір, НТВ-Мір Балтыка, Беларусь 24, Россия 24 і TV Centre International. Рэгулятары спаслаліся на тое, што 24 лютага 2022 года гэтыя каналы транслявалі выступ прэзідэнта Расіі Уладзіміра Пуціна, у якім ён апраўдваў ваеннае ўварванне ва Украіну, ігнаруючы асноўныя прынцыпы міжнароднага права. Пазней вышэйзгаданыя тэлеканалы былі ўключаныя ў санкцыйны спіс ЕС наўпрост ці праз свае галаўныя кампаніі. Таксама быў заблакаваны доступ да некаторых сайтаў, якія распаўсюджвалі пракрамлёўскую прапаганду, з-за падтрымкі ваеннай агрэсіі і распальвання нянавісці. У выніку ў краінах Балтыі было абмежавана вяшчанне больш чым 80 расійскіх і беларускіх тэлеканалаў, якія раней былі даступны. Гэтыя СМІ карысталіся вялікім попытам у аўдыторыі, асабліва ў Латвіі. Іх папулярнасць абумоўлена прывабнасцю, адпаведным выбарам тэм і спосабаў іх падачы, што забяспечвала прыемнае баўленне вольнага часу.

Першыя ранішнія навіны на Сёмуху, праваслаўную Троіцу: расійскія ракеты збітыя на падлёце да Кіева. Гэтым разам украінскую сталіцу абаранілі, хоць яшчэ гучыць рэха ўдара на мінулым тыдні, падчас якога загінулі дзве жанчыны і дзевяцігадовая дзяўчынка. Магчыма, ім бы ўдалося пазбегнуць смерці, калі б не замкнутае сховішча. П’яны ахоўнік своечасова не адчыніў дзверы ў паліклініку, дзе знаходзілася бяспечнае памяшканне. Ахоўнік, напэўна, адкажа за сваё глупства і выключную безадказнасць, але пакуль не адкажа галоўны віноўнік гэтай трагедыі. Больш за тое, Пуцін зноў можа разлічваць на падтрымку некаторых заходніх палітыкаў. У Эмануэля Макрона ёсць ідэя «адмяніць арышт Пуціна». Нават не верыцца, што такія словы гаворыць прэзідэнт краіны, якая лічыць сябе аплотам дэмакратыі і верхавенства права. Французскі лідар не толькі аспрэчвае рашэнні незалежнай міжнароднай судовай установы, але яшчэ і вяртаецца да раскладу, які дазволіў Пуціну напасці на Украіну.