Дэмакратычныя сілы Беларусі як ніколі блізкія да таго, што будзе выдадзены ордэр на арышт Аляксандра Лукашэнкі за выкраданне ўкраінскіх дзяцей – заявіла лідэр беларускіх дэмакратычных сіл Святлана Ціханоўская. Раней Еўрапарламент падтрымаў яе прапанову і заклікаў Міжнародны крымінальны суд у Гаазе выдаць ордэр на арышт Лукашэнкі, якога назвалі саўдзельнікам гвалтоўнага вывазу больш чым 2150 дзяцей з акупаваных Расіяй рэгіёнаў Украіны ў Беларусь, дзе дзеці падвяргаюцца русіфікацыі і ідэалагічнай апрацоўцы«. Рэжым у Мінску ўсе абвінавачанні абвяргае і нават арганізаваў паездку дыпламатаў да «шчаслівых» украінскіх дзяцей, але не ўсе захацелі ўдзельнічаць у гэтым прапагандысцкім прадстаўленні.
Зборам доказаў па незаконным вывазе ўкраінскіх дзяцей у Беларусь займаецца Народнае антыкрызіснае ўпраўленне, якое ўзначальвае апазіцыйны палітык Павел Латушка. Ён ужо перадаў Міжнароднаму суду ў Гаазе доказы ваенных злачынстваў Лукашэнкі. У дакументах акрамя яго таксама згадваюцца Аляксей Талай (кіраўнік фонду, які пазіцыянуе сябе як дабрачынны), Дзмітрый Мезенцаў (былы пасол Расіі ў Беларусі, сакратар Саюзнай дзяржавы як выканаўца рашэння Лукашэнкі аб выкраданні дзяцей), Іван Галаваты (генеральны дырэктар прадпрыемства »Беларуськалій«, які фінансуе вываз), Вольга Волкава (якая ўзначальвае фонд «Дэльфіны»).
Сам Лукашэнка не бачыць складу злачынства ў тым, што ўкраінскія дзеці прыязджаюць у Беларусь, а ўсе абвінавачанні на свой адрас лічыць надуманымі. «Планавалі і плануем! Дзеці ні ў чым не вінаватыя. Мы дамовіліся з Пуціным, што будзем фінансаваць гэтыя паездкі з саюзнага бюджэту», – заявіў Лукашэнка ў жніўні і дадаў, што для яго ёсць праблема больш істотная: дзяцей з Украіны вывозяць на Захад, там расчляняюць і дастаюць органы, каб выратаваць жыццё багатым людзям. Гэты наратыў, дарэчы, увесь час транслюе беларуская прапаганда, нічым яго не пацвярджаючы.
У сувязі з тым, што тэма вывазу ўкраінскіх дзяцей у Беларусь пастаянна абмяркоўваецца на міжнародных пляцоўках, беларускаму МЗС было дадзена заданне абвергнуць усе абвінавачанні, якія гучаць. І галоўнае – апраўдаць Лукашэнку ў вачах міжнароднай супольнасці, таму што ў Гаагу яму відавочна не вельмі хочацца.
Беларускае знешнепалітычнае ведамства вырашыла выкарыстаць адзіны даступны для іх на сёння інструмент, а менавіта работу з замежнымі дыпламатамі, акрэдытаванымі ў Беларусі. Спачатку паслоў выклікалі ў МЗС, дзе паспрабавалі растлумачыць усё пра ўкраінскіх дзяцей, а потым вырашылі арганізаваць узорнапаказальную паездку ў Наваполацк, у адзін з санаторыяў, дзе зараз знаходзяцца дзеці з Лісічанска і Севераданецка.
Еўрапейскія дыпламаты адмовіліся ўдзельнічаць у гэтым прадстаўленні, а таксама выказалі здзіўленне тым фактам, што ў паездку не былі запрошаны прадстаўнікі пасольства Украіны ў Беларусі, як самага зацікаўленага боку. МЗС Беларусі ўгледзеў у рашэнні Еўрапейскіх дыпламатаў доказ «палітычна матываванага характару чутак і плётак прымусовага вывазу дзяцей» і яшчэ раз нагадаў, што «дзеці з Украіны ўязджаюць і выязджаюць з Беларусі легальна, маючы на руках усе неабходныя дакументы».
У выніку, паглядзець, у якіх умовах у Беларусі праходзяць аздараўленне больш за 40 дзяцей з ЛНР і ДНР прыехалі дыпламаты з Зімбабвэ, Індыі, Кітая, Палестыны, Расіі, Сірыі – тых краін, у якіх у прынцыпе няма пытанняў да ўладаў Беларусі, у тым ліку і наконт украінскіх дзяцей. Іх рыторыка пасля гэтай паездкі была адпаведная: дзеці здаровыя, накормленыя, бадзёрыя і вясёлыя і мы не разумеем прэтэнзій да беларускіх уладаў.
Тым часам існуе нямала доказаў, што для ўкраінскіх дзяцей у беларускіх лагерах ладзяць канцэрты і іншыя мерапрыемствы, дзе праўладныя беларускія актывісты прапагандуюць нянавісць да Украіны і жадаюць, каб Расія «ўзяла кантроль» над ёй. Гэтага ў беларускай прапагандзе не паказваюць, а стаўку робяць хутчэй над »мірнае неба над галавой«.
Ахвярай незаконнага вывазу ўкраінскіх дзяцей ужо стаў кіраўнік беларускага Чырвонага Крыжа Дзмітрый Шаўцоў. Ён падчас паездкі на акупаваныя тэрыторыі на ўсходзе Украіны адзначыў, што яго арганізацыя таксама мае дачыненне да аздараўлення дзяцей з Украіны і іх прыезду ў Беларусь. Украінскі бок адрэагаваў імгненна: там заклікалі Міжнародны крымінальны суд выдаць ордэр на арышт Шаўцова, а Міжнародную федэрацыю Чырвонага крыжа і Чырвонага паўмесяца пачаць расследаванне па гэтай справе. У арганізацыі вырашылі, што доказаў віны Шаўцова недастаткова, але тым не менш беларускім уладам пастаўлены ўльтыматум: калі Шаўцоў застаецца на сваёй пасадзе, то сяброўства Беларускага чырвонага крыжа ў міжнародных органах будзе прыпынена і фінансаванне спынена. Перад беларускім бокам пастаўлены цяжкі выбар: ці здаць свайго вернага хаўрусніка, ці страціць падтрымку адной з самых лаяльных да рэжыму міжнародных арганізацый, прадстаўнікі якой ужо шмат гадоў упарта «не заўважаюць» катаванняў і забойстваў у беларускіх турмах.
Гледзячы на тое, як разгортваюцца падзеі вакол дэпартацыі ўкраінскіх дзяцей у Беларусь і як рэагуе на гэтую міжнародную супольнасць, можна пагадзіцца са Святланай Ціханоўскай, што сёння дэмакратычныя сілы як ніколі блізкія з выдачы ордэра на арышт Лукашэнкі. Пакуль не ўдаецца яго прыцягнуць да адказнасці за злачынствы супраць беларусаў, затое ў сітуацыі з украінскімі дзецьмі прэцэдэнт ужо ёсць, гэта выдача ордэра на арышт Уладзіміра Пуціна, якога Лукашэнка ў вайне з Украінай падтрымаў і ў вайсковых і гуманітарных злачынствах.
Comments are closed.