Першыя дні новага года Расія адзначыла масавымі атакамі аддаленых ад фронту рэгіёнаў Украіны, адна з самых масавых ракетных атак прыйшлася на Кіеў.
1 студзеня розныя рэгіёны Украіны атакавалі беспілотнікі. Цягам Навагодняй ночы і практычна ўсе наступныя дні ва Украіну заляцела рэкордная колькасць беспілотных лятальных апаратаў тыпу “Шахед” – 90 штук. Пацярпелі Кіеў, Львоў, Сумская вобласць, дзе ад патраплення беспілотніка ў жылы дом загінулі жанчына і мужчына.
Але яшчэ больш жорсткаю аказалася ранішняя ракетная атака цывільнай інфрастуктуры другога студзеня. Наймацнейшыя ўдары прыйшліся па Кіеву і Харкаву.
Паводле інфармацыі міністра ўнутраных спраў Украіны Ігара Кліменкі станам на 10 гадзін раніцы, у Кіеве ў выніку наўпроставага патраплення і падзення абломкаў ракет былі зафіксаваныя сем пажараў у Абалонскім, Пячэрскім, Падольскім, Саломенскім, Святошынскім і Дзяснянскім раёнах. У Саломенскім раёне абломкі ракеты ўпалі побач з дзевяціпавяховым жылым домам, які атрымаў частковыя разбурэнні і там узнік пажар.
У Харкаве ўдары расійскіх ракет прыйшліся па жылых раёнах у цэнтральнай частцы горада.
Паводле папярэдніх даных, у выніку сённяшняй атакі на Украіну чатыры чалавекі загінулі, 92 пацярпелі.
Як паведаміла неўзабаве кіраўніцтва Паветраных сіл ВСУ за раніцу 2 студзеня было збіта 10 аэрабалістычных ракет тыпу «Кінжал», 59 крылатых ракет Х-101/Х-555/Х-55, тры крылатыя ракеты тыпу «Калібр», а таксама 35 беспілотных апаратаў тыпу «Шахед»
Comments are closed.