Народнае апытанне: 82% беларусаў замежжа давяраюць Аб’яднанаму Пераходнаму Кабінету, але большасць не да канца разумее мэты яго стварэння

 170 total views

Праект “Народнае апытанне”, які даследуе пратэсную частку беларускага грамадства, што пражывае за мяжой, спытаў, якіх палітычных дзеячаў беларусы замежжа ведаюць, каму найбольш давяраюць і што думаюць пра Аб’яднаны Пераходны Кабінет.

Больш за ўсё ведаюць пра дзейнасць:

Святланы Ціханоўскай (97%)

Паўла Латушкі (92%)

Ініцыятывы Bypol (90%)

Больш за ўсё давяраюць (сярод тых, хто ведае):

Святлане Ціханоўскай (86%)

Аб’яднанаму Пераходнаму Кабінету (82%)

Ініцыятыве Bypol (80%)

Большасць рэспандэнтаў (82%) цікавяцца навінамі пра Аб’яднаны Пераходны Кабінет і 68% разумеюць мэты стварэння гэтай структуры (але толькі 14% на ўзроўні “цалкам зразумела”).

Большасць рэспандэнтаў назвалі важнымі ўсе напрамкі дзейнасці Кабінета, але найбольш важнымі адзначылі: транзіт улады, аднаўленне правапарадку і абарону нацыянальнай бяспекі.