У МЗС Расіі заявілі аб гатоўнасці да перамоваў з Украінай

 109 total views

Намеснік кіраўніка расійскага МЗС, Андрэй Рудэнка, заявіў, што ніякіх папярэдніх умоў з боку Расіі для перамоваў з Украінай няма.

Па словах Рудэнкі, адзінае, што неабходна для пачатку перамоваў – «каб Украіна праявіла добрую волю». Словы расійскага чыноўніка прыводзяць расійскія СМІ.

Раней, 30 верасня, у адказ на анэксію Херсонскай, Запарожскай, Данецкай і Луганскай абласцей, прэзідэнт Зяленскі падпісаў закон аб немагчымасці перамоваў з Уладзімірам Пуціным.

Пазней, адміністрацыя прэзідэнта ЗША Джо Байдэна папрасіла Кіеў адмовіцца ад публічных заяў аб тым, што перамовы немагчымыя, пакуль Пуцін застаецца ва ўладзе. Па дадзеных Washington Post, такую ​​просьбу ўкраінскаму кіраўніцтву перадаў дарадца па нацыянальнай бяспецы прэзідэнта ЗША Джэйк Саліван.