Пасля паспяховай акцыі перад літоўскай амбасадай, беларускія патрыятычныя арганізацыі працягваюць кампанію па абароне інтарэсаў беларусаў. У суботу 29 красавіка ў Варшаве перад амбасадай ЗША адбудзецца мітынг з нагоды гадавіны чарнобыльскай катастрофы.
Арганізатарамі выступаюць аб’яднанне «Вольная Беларусь» і яе кіраўнік Зянон Пазняк, арганізацыя беларускіх нацыяналістаў «РУХ» і Паспалітае Рушэнне. Чаму акцыя праводзіцца менавіта перад амбасадай ЗША і аб мэтах акцыі радыё Ўнэт распавёў прадстаўнік РУХу, Ян Рудзік.
«Зараз насамрэч справы даволі кепскія, і выглядае так, што ў беларусаў зноў не будзе выбару, калі Украіна пры падтрымцы іншых краінаў будзе дамаўляцца аб міры, аб перадзеле нашага рэгіёну. І таму мы павінны звярнуць увагу ў першую чаргу Злучаных Штатаў Амерыкі, таму што яны з’яўляюцца гістарычна адной з краін-хаўрусніц, якая падтрымлівае праект «Міжмор’я» – гэта аб’яднанне Украіны, Польшчы і Беларусі ў такі асобны блок, які б мог бараніць сябе як ад уплыву з захаду, так і ад Расеі ў першую чаргу».
Акцыя адбудзецца 29 красавіка а 16 гадзіне ў Варшаве па адрасе Al. Ujazdowskie 29/31.
Падрабязней слухайце ў плэеры ніжэй.
Comments are closed.