Беларусь разарвала пагадненне з Польшчай аб узаемным прызнанні дакументаў аб вышэйшай адукацыі і ступеняў у навуцы і мастацтве

Такую пастанову, апублікаваную 27 кастрычніка, прыняў Савет Міністраў Беларусі.

У пастанове сказана, што з дня прыняцця пастановы – 25 кастрычніка, калі яна набывае моц, спыняецца Пагадненне паміж урадамі Рэспублікі Беларусь і Рэспублікі Польшча аб прызнанні эквівалентнасці ў вышэйшай адукацыі, раўназначнасці вучоных ступеняў і ступеняў у галіне мастацтва, якое было падпісана ў 2005 годзе.

Пастанову падпісаў прэм’ер-міністр Раман Галоўчанка.