Напрыканцы мінулага года ў Музеі Вольнай Беларусі ў Варшаве адбылася тэатральная прэм’ера. 30 снежня была паказаная эксперыментальная дзея «Выгарэўшы» (Wypalony) па п’есе Наталлі Міхаліны Скарынкі. Незвычайны перфарматыўны эскіз у пастаноўцы Паўла Гарадніцкага сабраў поўную залю.
Канцэптуальнае суіснаванне інаватыўнай формы тэксту і вобразнасці на сцэнічнай прасторы пакінулі моцнае ўражанне як у беларускіх, так і ў польскіх гледачоў. Атмасфера прэм’ернага паказу – у фатаграфіях Аляксандра Драгавоза.
Рэжысёр: Павел Гарадніцкі
Акторы: Валянціна Гарцуева, Мікалай Стонька, Павел Гарадніцкі
Драматург: Наталля Міхаліна Скарынка
Музыка: Эрык Арлоў-Шымкус
Прадзюсарка: Вікторыя Яфімава
Каманда праекта выказвае падзяку Старамейскаму Дому Культуры і гораду Варшава, а таксама партнёрам – Музею Вольнай Беларусі і Дому Творцаў.
Comments are closed.