Беларускі бізнес-цэнтр пры Польскім саюзе прадпрымальнікаў сумесна з аналітычным цэнтрам BEROC прэзентаваў вынікі двух важных даследаванняў аб беларускім бізнесе за мяжой. На афіцыйнай прэзентацыі ў Варшаве размаўлялі пра прычыны і наступствы беларускай бізнес-міграцыі, а таксама пра яе патрэбы і перспектывы развіцця.
Кіраўнік Belarus Business Center пры Польскім саюзе прадпрымальнікаў (ZPP) Дзмітрый Данільчук адзначае, што новыя дадзеныя праліваюць святло на маладаследаваную да гэтага часу з’яву.
– Мы падрыхтавалі даследаванне прычын і наступстваў эміграцыі беларускага бізнесу з 2020 года. Гэта з’ява, якая не была прынцыпова вывучана. Ні эканамісты, ні аналітычныя цэнтры не валодалі данымі, не было комплекснай ацэнкі, і нам хацелася зразумець: беларускі бізнес за мяжой – гэта значны феномен ці не? Сваё даследаванне мы рабілі з фокусам на тры краіны – Польшчу, Літву і Латвію.
Пра патэрны развіцця беларускага бізнеса за мяжой, яго патрэбы і перспектывы распавёў эканаміст аналітычнага цэнтра BEROC Радзівон Марозаў:
– Мы падзяліліся вынікамі нашых структураваных інтэрв’ю з беларускім бізнесам. Гэта паглыбленае даследаванне, якое дазваляе зразумець, як наш бізнес пачынае выбудоўваць сваю актыўнасць у новых краінах, якія ён выкарыстоўвае для гэтага стратэгіі, якія бачыць перспектывы ў розных лакацыях. Мы знайшлі сведчанні таго, што бізнес не заўсёды можа разумець свае асноўныя праблемы і часамі не зусім правільным шляхам спрабуе іх вырашыць.
Падрабязней слухайце ў нашым аўдыё:
Фота: Аляксей Казнадзей.
Comments are closed.