Team Theatre пакажа сваю пастаноўку на адной з самых смелых тэатральных сцэн – у TR Warszawa. З 8 па 13 жніўня там пройдзе цэлы Тыдзень беларускага тэатра! Незвычайнае прачытанне старажытнай легенды аб Уленшпігелі ўбачым 9 жніўня. Дата прэм’еры – невыпадковая.
Чаму варта схадзіць на спектакль беларускіх акцёраў – расказваем у нашым рэпартажы.
Акцёр Андрэй Бардухаеў-Арол:
«Зрабіць вялікае палатно па кнізе Кастэра або п’есе Горына нам падалося не вельмі актуальным. Таму спектакль складаецца з замалёвак, сцэнак. Мы распавядаем пра Ціля ягонымі ўчынкамі, падзеямі з яго жыцця. І ўсё гэта мае сувязь з тым, што адбывалася ў нас на радзіме ў 2020 годзе».
Акцёр Максім Шышко:
«Гэта набор нейкіх перажыванняў, пачуццяў. Што сумленны чалавек адчувае падчас цяжкіх падзей? Як ён пры дапамозе гумару, жартаў і іроніі змагаецца з імі? Я шукаю адказы…».
Акцёр Андрэй Новік:
«Я спрабую ў адной ролі ўвасобіць некалькі вобразаў – улады над людзьмі, над часам, над рэлігіяй. Тэкст дастаткова абстрактны. Ён абагульняе час. Тое, што было 500 гадоў таму, 1000 гадоў таму, і тое, што адбываецца зараз. Бо сутнасць чалавечай прыроды застаецца нязменнай».
Каманда:
Андрэй Бардухаеў-Арол / Алеся Бардухаева-Арол / Аляксандр Воўкаў / Юра Дзівакоў / Мікіта Залатар / Андрэй Новік / Дар’я Новік / Вольга Падгайская / Марыя Пятровіч / Максім Шышко
Калі: 09.08.2023, серада, 19.00
Дзе: Тэатр TR Warszawa ul. Marszałkowska,8
Квіткі: buy.stripe.com
Спонсары і партнёры:
Flanders in Poland and the Baltic States
Беларускі Моладзевы Хаб / Białoruski Młodzieżowy Hub
TR Warszawa
Comments are closed.