Супрацоўнікі тэлерадыёкампаніі «Суспільне Херсон» да самага апошняга дня перад расійскай акупацыяй Херсона выходзілі на працу і асвятлялі падзеі ў Херсонскай вобласці. А, калі акупанты занялі горад, працягнулі працу фактычна падпольна. Калі ў памяшканнях кампаніі гаспадарылі расійскія прапагандысты, украінскія журналісты рабілі праўдзівыя радыйныя сюжэты і распавядалі свету пра тое, што адбываецца ў акупаваным Херсоне, а херсонцам пра тое, як мужна абараняецца Украіна. Калі ж расійцаў выганялі з абласнога цэнтра, яны раскралі і звезлі  маёмасць тэлерадыёкампаніі. Цяпер, каб даносіць праўду, якая найперш патрэбна жыхарам тэрыторыяў, якія пакуль яшчэ пад акупацыяй, тэлерадыёкампанія просіць дапамогі. Пра тое, як працавала Украінскае радыё ў акупаваным Херсоне і што цяпер патрэбна для аднаўлення нармальнай работы радыё Ўнет распавяла супрацоўніца тэлерадыёкампаніі  «Суспільне Херсон» і Украінскага радыё Маргарыта Лазнык.