Як бачаць Беларусь замежныя журналісты і што расказваюць сваім чытачам? Медыйны вобраз Беларусі за мяжой ужо другі раз даследаваў Цэнтр Новых ідэй. Аўтаркі даследавання – Леся Руднік і Кацярына Шмаціна. Асноўная задача: паглядзець, хто, што і колькі пісаў пра нашую краіну з сярэдзіны 21 года па сярэдзіну 22-га. Сёлета, праўда, апроч колькасных характарыстык, вывучалі і якасныя: аўтары прааналізавалі артыкулы і пагаварылі з журналістамі. Публічная прэзентацыя даследавання адбылася 25 лістапада.