Сям’я просіць не прыносіць кветак. Замест гэтага можна зрабіць ахвяраванні на Чырвоны касцёл у Мінску.
Журналістка, рэдактарка, аўтарка артыкулаў, кніг і сцэнарыяў радыёспектакляў Барбара Петразолін-Скаўроньская памёрла 22 кастрычніка. Паніхіда адбудзецца 6 лістапада а 12.30 у касцёле в св. Анджэя Баболі па адрасе: вул. Nobel, 16 у Варшаве. Пахаванне ў той жа дзень а 14.30 на могілках “Старыя Павонзкі” (другая брама).
Сям’я просіць не прыносіць кветак на цырымонію развітання. Замест гэтага можна зрабіць ахвяраванні на Чырвоны касцёл у Мінску. Такое рашэнне прынята, бо Барбара Петразолін-Скаўроньская любіла Беларусь і ў свой час рэдагавала „Nieświeskie wspomnienia” – успаміны жыхароў Нясвіжа (палякаў, беларусаў, габрэяў, рускіх).
Барбара Петразолін-Скаўроньская нарадзілася 24 ліпеня 1937 года ў Варшаве. Вайну і акупацыю перажыла ў варшаўскай Саскай Кэмпе, з якой была цесна звязана да канца жыцця. Вывучала гісторыю ў Варшаўскім універсітэце. У 1990-1998 гадах была галоўным рэдактарам энцыклапедыі PWN. Яна выдала, між іншым, адзначаныя ўзнагародамі «Encyklopedia Warszawy» і Nowa Encyklopedia Powszechna.
Comments are closed.