Беларускі Bialystok Music Club пачаўся з… Рэя Чарльза

У Польшчы беларусы заснавалі Bialystok Music Club. Аб’яднанне функцыянуе ў Беластоку і запрашае артыстаў да супрацы.

Пра суполку, рэзідэнцтва ў ёй і любоў да ўстаноў з фартэпіяна і прыемнымі напоямі вядучай праекту «Музыка Унэт» Марыне Савіцкай распавёў стваральнік і кіраўнік Bialystok Music Club Антон Сіроцін.

Галоўнае ў размове:

• Пачалося ўсё з таго, што я дзесьці гады 2 таму вырашыў навучыцца граць на піяніна, як звычайны black native people. Я хацеў граць, як Рэй Чальз. Мы дамовіліся з пабам і па чацвяргах пачалі збірацца.
• Беласток – гэта самы беларускі горад у свеце.
• Каманда клубу атрымалася на падставе ўдзельнікаў гурта «Krwadziki». Мы падтрымліваем усіх музыкаў, якія прыязджаюць. То бок бывае, што артыст грае сам, акустычна, толькі пад адну гітару. А мы заўсёды дапамагаем яму: перкусійна, фартэпіяна ці басам.
• Кожны беластоцкі музыка, які адыграў у клубе, адразу становіцца рэзідэнтам Bialystok Music Club.
• Я лічу, што Клуб павінен заставацца некамерцыйным, але самаакупляцца.
• Мы заўсёды адкрытыя для таго, каб рабіць канцэрты ўсім жадаючым.