102 гады таму, 27 лістапада 1920 года, пачалася спроба ўзброенай абароны незалежнасці Беларусі ў раёне Слуцка. Мясцовыя паўстанцы больш за месяц паспяхова супрацьстаялі бясконцым хвалям чырвонай арміі. Гэты дзень стаў Днём Памяці і Гонару беларускага народа. І беларусы па ўсім свеце ўспамінаюць пра подзвіг продкаў.
У Варшаве беларуская дыяспара арганізавала акцыю каля помніка знакамітаму сыну беларускай зямлі і змагару за свабоду Тадэвушу Касцюшку.
«Яно так і ёсць, таму што мы змагаемся за сваю незалежнасць, сваю незалежную краіну. І людзі, якія змагаліся за яе 102 гады таму, яны рабілі тое самае».
А на тым баку мяжы, у Беларусі гэты дзень так званыя беларускія ўлады стараюцца не прыгадваць. Толькі дзякуючы мужнасці і самаахвярнасці многіх актывістаў, у Беларусі дагэтуль памятаюць пра подзвіг слуцкіх паўстанцаў і нават усталёўваюць ім помнікі. Адным з такіх актывістаў быў і лідар руху Салідарнасці «Разам» Вячаслаў Сіўчык. У Варшаве менавіта ён выступіў ініцыятарам правядзення Дня памяці. Спадар Вячаслаў упэўнены, што гэты дзень абавязкова стане нацыянальным святам у Вольнай Беларусі.
«Гэты дзень будуць заўсёды святкаваць на вышэйшым узроўні. Подзвіг случчакоў, якія пайшлі за Беларускую Народную Рэспубліку, а гэта значыць за права беларусаў самім абіраць сваю ўладу і мець усе тыя правы, якія прыняты ў цывілізаваным свеце».
Вячаслаў Сіўчык упэўнены, што карані сучаснай улады ў Беларусі ідуць менавіта ад бальшавікоў, супраць якіх слуцкія паўстанцы і змагаліся, таму рэжым Лукашэнкі і спрабуе зрабіць герояў Беларусі бандытамі.
«Улада была антыбеларуская і ў часы камуністаў. Яна спрабавала ператварыць беларускіх сялян у бандытаў. Камуністы не толькі спрабавалі зрабіць іх бандытамі, яны іх знішчалі. А сённяшняя ўлада мае генэзіс камуністычны, што б яны пра сябе не казалі. Яна такая ж антыбеларуская, а па некаторых паказчыках нават значна горшая, чым была пры камуністах».
«Мы папрасілі кіраўніцтва палка, каб нам далі фотаздымкі байцоў, каго магчыма. У мяне што самае каштоўнае было – то я і забрала, гэты рушнік. Ён дастаўся мне ад бабулі. Да яго мы прымацавалі гэтыя фотаздымкі. Хлопцы нашыя. Героі. Дзякуй іх матулям і татам, што выгадавалі такіх сыноў».
Comments are closed.