Loading

Уладзімір Някрасаў, лідар гурта «Батьківський комітет», выдаў новую песню «Вуліца Жызнеўскага» на беларускай і ўкраінскай мовах. Праца над песняй пачыналася разам з асноўным складам гурта, але праз вайну была завершаная з пабрацімамі Уладзіміра па службе ў ЗСУ. Тэкст, засяроджаны на памяці, на абедзвюх мовах напісаў паэт Алесь Плотка, чатыры апошнія радкі, погляд у будучыню, дадаў сам Уладзімір.

У відэашэраг да песні выканаўцы размясцілі памятную дошку загінулым беларусам, якая знаходзіцца на вуліцы Беларускай у Кіеве.

Міхаіл Жызнеўскі – гамяльчанін, герой Украіны, адна з першых ахвяраў Майдану. Песня ў памяць пра яго стваралася вясной-летам, а паралельна з гэтым у чэрвені 2022-га году ў горадзе Наваград-Валынскі з’явілася вуліца, названая ягоным імем.

Музыка Уладзімір Някрасаў.

«Для мяне гэта песня пра Беларусь і Украіну будучыні, пра краіны, якія аб’ядноўвае агульная барацьба за свабоду і любоў да роднага краю. Я ўпэўнены, што перамога Украіны ў гэтай вайне гэта вялікі камень у падмурак свабоды і незалежнасці дэмакратычнай Беларусі. Шчыра веру ў саюз краінаў Міжмор’я – Украіны, Беларусі, Польшчы і Літвы, лічу, што беларусы – самая блізкая ўкраінцам нацыя па мове, культуры і барацьбе супраць маскоўскага панавання».

Comments are closed.