27 верасня ў турэцкім горадзе Мерсін адбыўся тэракт. Дзве тэрарысткі расстралялі будынак гарадской паліцыі. Пасля гэтага яны здзейснілі самападрыў. У выніку атакі, адзін паліцэйскі загінуў, яшчэ адзін атрымаў раненні. Пра гэта паведамляе Anadolu Ajansı.
Па паведамленні агенцтва, на месца прыбыў міністр унутраных спраў Турцыі, Сулейман Сойлу. Ён паведаміў, што асобу адной з нападаўшых ужо ўдалося ўстанавіць. Міністр абвінаваціў у здзяйсненні нападу чальцоў так званай «Працоўнай партыі Курдыстана». Дзейнасць гэтай арганізацыі, акрамя Турцыі, была прызнана тэрарыстычнай у ЗША, Вялікабрытаніі і Еўрасаюзе.
Comments are closed.