Што рабіць, калі чытаць на сваёй мове хочацца, а даехаць да кніжнай крамы або кірмашу не атрымліваецца? У падкасце Топ-5 мы зрабілі для вас падборку пяці беларускіх кніг, якія хоць зараз можна замовіць анлайн у любы польскі горад.
28 жніўня 1936 года нарадзіўся Генадзь Бураўкін. Ён жыў і марыў паэзіяй да апошніх сваіх дзён. Яшчэ пры жыцці шмат хто называў яго народным паэтам Беларусі, хоць афіцыйна творца так і не атрымаў гэтага звання.
Чарговы выпуск падкаста «Топ-5» прысвечаны адной з самых слаўных старонак гісторыі беларускай музыкі – легендарнаму «Полацкаму сшытку».
Роўна тры гады таму нашае жыццё падзялілася на «да» і «пасля» 9 жніўня. Як змянілі нас гэтыя падзеі? Ці ёсць нам пра што шкадаваць? І ці не перадумалі беларусы вяртацца?
Імя Ігната Дамейкі згадваецца ў Чылі амаль з рэлігійнай пашанай. Вуліцу Дамейкі можна знайсці там практычна ў кожным буйным горадзе. Як школы і ўніверсітэты, названыя ў яго гонар. На другім канцы свету ён стаў заснавальнікам школы геалогіі, некалькі разоў абіраўся рэктарам Чылійскага ўніверсітэта, а на самым піку кар’еры, калі яму было амаль 50, Дамейка ўпершыню ў жыцці па-сапраўднаму закахаўся і ажаніўся з 15-гадовай Энрыкетай дэ Сатамаер.
Ураджэнец вёскі Дудзічы Міхал Ельскі зрываў авацыі ў Парыжы, Франкфурце-на-Майне, Берліне, Мюнхене, Кракаве. Кажуць, што рэпертуар музыканта складаўся з найбольш знакамітых скрыпічных твораў Баха, Паганіні, В’ётана. Іграў выканаўца і ўласныя опусы. Яго кампазітарская спадчына – каля 100 твораў. Самы папулярны і вядомы – Танец смерці для скрыпкі і фартэпіяна.
Сям’я Шапэнаў пасялілася ў Варшаве неўзабаве пасля нараджэння будучага кампазітара, і ў гэтым горадзе ён правёў першую палову свайго невялікага 39-гадовага жыцця. Паэт фартэпіяна, геній думак і пачуццяў, менавіта яго музыка стане найлепшым акампанементам для знаёмства з польскай сталіцай.
Яшчэ пры жыцці Алесь Пушкін стаў міфам і легендай. Яго акцыі ўзрушалі грамадства і змянялі дыскурс сучаснага беларускага мастацтва. Ён праявіў сябе ў самых розных сферах і трымаўся ў творчасці леанардаўскага падыходу, шырокага размаху! Жывапіс, царкоўнае манументальнае мастацтва, галерэйная дзейнасць, рэстаўрацыя, этнаграфія, паэзія, тэатр, дакументалістыка, відэа, турэмная графіка – і гэта, напэўна, яшчэ далёка не ўсе сферы, дзе праявіў сябе чалавек, якому не было і 58 гадоў.
7 ліпеня нарадзіўся Янка Купала. Для беларусаў гэта класік нумар адзін – пясняр, прарок і першы народны паэт. «Так, як пачаў пісаць Янка Купала, да яго не пісаў ніхто», – звычайна кажуць пра аўтара, спадчына якога засталася не толькі на кніжных старонках, але і ўвасобілася ў музычных творах.
Кожны павінен быць творам мастацтва – ці насіць на сабе твор мастацтва, сцвярджаў Оскар Уайльд. Натхніўшыся думкай ірландскага пісьменніка, мы схадзілі ў Варшаве на дзень нараджэння брэнда Kanva і запыталіся ў беларусаў, а дзе і як апранаюцца яны і ці шмат у іх гардэробе вырабаў (чытай – мастацкіх твораў) беларускіх дызайнераў.