У чэрвені Міжнародная арганізацыя працы на сваёй чарговай канферэнцыі разглядала сітуацыю з правамі працоўных у Беларусі. Асноўная ўвага была нададзена магчымасці рэалізацыі права на свабоду аб’яднання ў прафесійныя саюзы. У выніку ўдзельнікі канферэнцыі прыйшлі да высновы, што гэтае права фактычнымі ўладамі Беларусі сістэмна парушаецца. Зараз у зняволенні знаходзяцца лідары асноўных незалежных ад улады прафсаюзаў. У тым ліку старшыня Беларускага кангрэс незалежных прафсаюзаў Аляксандр Ярашук.
Праваабарончы цэнтр Вясна 20 ліпеня быў уганараваны прэстыжнай прэміяй ААН у галіне правоў чалавека. Гэта, безумоўна, прызнанне плённай працы вялікага калектыву, некалі створанага цяперашнім лаўрэатам Нобелеўскай прэіі міру і палітвязнем Алесем Бяляцкім. Праваабарончы цэнтр «Вясна» працягвае выконваць сваю вельмі важную справу – аказвае прававую дапамогу пацярпелым ад палітычнага пераследу, дакументуе катаванні і маніторыць парушэнні правоў чалавека ў Беларусі. Лаўрэаты прэміі былі абраныя Спецыяльным камітэтам з больш чым 400 намінацый, атрыманых ад дзяржаваў-членаў, сістэмы ААН і грамадзянскай супольнасці.
Праз рэпрэсіі і запалохванне адкрыта выказваць сваю салідарнасць у Беларусі з палітвязнямі робіцца ўсё складаней. Палітычным зняволеным ужо больш за паўгода масава блакуюць ліставанне, таму пасылкі і грашовыя пераводы цяпер сталі асноўнымі спосабамі іх падтрымкі. Праваабарончы цэнтр «Вясна» распавядае, як сабраць пасылку салідарнасці для палітвязня.
З 11 ліпеня ў Беларусі набываюць моц змены ў закон Аб грамадзянстве. Згодна з імі, грамадзяне Беларусі, якія маюць грамадзянства, дазволы на жыхарства альбо іншыя дакументы, які даюць правазнаходжання ці права на нейкія прывілеі ў іншых краінах, павінны паведамляць адпаведным дзяржаўным органам Беларусі пра наяўнасць у сябе такіх дакументаў. Таксама гэтыя змены дазваляюць беларускім судам пазбаўляць грамадзянства Беларусі тых, у дачыненні каго маецца прысуд за так званыя экстрэмісцкія злачынствы. Змены ў закон каментуе прававы дарадцы Народнага Антыкрызіснага ўпраўлення Міхаіл Кірылюк.
Рэпрэсіі ў Беларусі не сціхаюць. Людзей затрымліваюць штодзённа, палітвязняў катуюць у СІЗА, калоніях і турмах. Таму вельмі важна фіксаваць усе парушэнні правоў чалавека, якія зараз адбываюцца ў Беларусі, каб разумець маштаб рэпрэсіяў. Праваабаронцы заклікаюць паведамляць ім пра факты палітычнага пераследу, якія сталі вам вядомымі. Як гэта зрабіць – распавядае праваабаронца Вясны Наталля Сацункевіч.
Актывіст з Гомеля Ілля Міронаў, які ад 2020 года стала займаўся перадачамі для зняволеных у СІЗА-3 у Гомелі, а таксама напісаў больш за 2000 лістоў падтрымкі палітвязням, але ўвосень 2021 года быў зняволены паводле так званай справе Зельцара на паўтара года калоніі, потым неаднаразова яго знявольвалі ў парадку адміністрацыйных арыштаў, вымушаны быў эвакуявацца з Беларусі. Што стала апошнім штуршком для эвакуацыі, а таксама пра сваё змаганне супраць варажнечы ў праграмах афіцыйных прапагандыстаў у дзяржаўных СМІ Ілля распавёў нашаму радыё.
Права не быць падвергнутым катаванням – гэта неад’емнае права кожнага чалавека. Таму катаванні не дапушчальныя ні пры якіх умовах і ні ў якім выглядзе. І варта разумець, што катаваннямі лічацца не толькі фізічны гвалт з боку прадстаўнікоў дзяржавы, але і прынізлівае абыходжанне.
17 сакавіка Міжнародны крымінальны суд у Гаазе выдаў ордэр на арышт прэзідэнта Расіі Уладзіміра Пуціна і ўпаўнаважанай у правах дзіцяці пры прэзідэнце РФ Марыі Львовай-Бяловай. Што азначае выдача такога ордэра і наколькі рэальна яго выканаць мы спыталі ў юрысткі-міжнародніцы, кандыдаткі юрыдычных навук Кацярыны Дзяйкала.
Салідарнасць працягвае заставацца асноўнай зброяй супраць парушэння рэжымам у Беларусі правоў чалавека. І найперш, у цяперашніх умовах, салідарнасці патрабуюць людзі, якія за свае палітычныя погляды зняволеныя за краты. Праваабаронца ПЦ «Вясна» Яна распавядае пра яшчэ адзін спосаб падтрымкі зняволеных – пасылкі. Іх можна даслаць тым, хто ўтрымліваецца ў следчых ізалятарах Беларусі, нават з-за мяжы. Слухайце поўны выпуск падкаста, каб даведацца як можна дапамагчы.
Тыднёвая хроніка палітычна матываванага пераследу ў Беларусі паводле маніторынга Праваабарончага цэнтра «Вясна».
