Крыху менш за месяц таму ў сталіцы Украіны Кіеве з’явілася вуліца, названая ў гонар беларускага нацыянальнага героя Кастуся Каліноўскага. Такую назву надалі былой вуліцы Астраханскай, што праходзіць недалёка ад чыгуначнай станцыі Дарніца на левым беразе Дняпра. Мы прайшліся гэтай вуліцай і паразмаўлялі з яе жыхарамі пра тое, як яны ставяцца да пераіменавання, ці ведаюць, хто такі Кастусь Каліноўскі, а таксама распыталі прадстаўнікоў кіеўскай улады пра тое, як і чаму яны вырашылі назваць адну з вуліц сталіцы імём Кастуся Каліноўскага.