Беларуская блогерка і валанцёрка, якую многія ведаюць пад нікам Хэлен Мінская, нядаўна заснавала ва Украіне дабрачынны фонд для дапамогі Узброеным сілам Украіны. Але ад самых першых гадзін па пачатку паўнамаштабнага ўварвання расійскіх агрэсараў ва Украіну і ракетных абстрэлаў украінскіх гарадоў Хелен удзельнічае ў дапамозе Украіне і ўкраінцам. Яна распавяла нашаму радыё пра тое, як ёй удалося згуртаваць беларусаў з розных краінаў свету на дапамогу Украіне, якія справы яна з паплечнікамі робіць і як гэта ўспрымаецца ўкраінцамі.