Аб прыпыненні кансультацый па пытаннях легалізацыі ў Польшчы было аб’яўлена ў мінулую пятніцу, 13 студзеня, на старонках цэнтра ў сацсетках. Прычынай такога рашэння супрацоўнікі цэнтра называюць вялікі наплыў паведамленняў, а таксама абмежаваную колькасць супрацоўнікаў цэнтра. Правядзенне юрыдычных кансультацый прыпынена да 31 студзеня 2023 года.
Як адзначае юрыст ЦБС Марына Грышчанка, людзей, якія патрабуюць дапамогі ў апошнія месяцы стала значна больш. Асноўная прычына – адмовы ў прадастаўленні гуманітарных віз на тэрыторыі самой Польшчы. Такая магчымасць у беларусаў з’явілася літаральна нядаўна – увосень гэтага года.
Дырэктар дэпартамента прававой абароны Цэнтра Беларускай Салідарнасці Вольга Дабравольская сустрэлася з журналістамі і расказала, з якімі праблемамі часцей за ўсе сутыкаюцца беларусы Польшчы пры легалізацыі ў краіне.
