Горад Лодзь стаў прытулкам для тысяч беларусаў, якія мусілі ўцякаць ад палітычнага пераследу. А ў 2022 годзе з пачаткам паўнамаштабнай вайны ва Украіне, яшчэ і разам з украінцамі ад расійскіх ракетаў і бомбаў, што пачалі руйнаваць украінскія гарады. Лодзь прыняла многіх, і беларусы тут сапраўды разам з украінцамі. Пра беларускія справы ў Лодзі мы паразмаўлялі са старшынём фонду «Беларусы ў Лодзі» Ігарам Юрчыкам.