Акцыя з нагоды другой гадавіны зняволення беларускага журналіста, актывіста польскай нацыянальнай меншасці ў Беларусі Анджэя Пачобута прайшла 27 сакавіка ў Беластоку каля помніка святару Ежы Папялушку. Прысутныя на ёй прадстаўнікі польскіх арганізацый, беларускай дыяспары выказалі сваю салідарнасць з Пачобутам, а таксама з усімі палітычнымі зняволеннымі рэжымам Аляксандра Лукашэнкі.
