На мінулым тыдні Вярхоўная Рада прыняла закон, які дазваляе замежным, у тым ліку і беларускім добраахвотнікам, легальна знаходзіцца ва Украіне падчас службы ў войску і пасля яе, а таксама атрымліваць грамадзянства ў спрошчаным парадку. Народны дэпутат, кіраўнік міжфракцыйнага аб’яднання «За дэмакратычную Беларусь» Аляксей Ганчарэнка пракаментаваў важнасць і наступствы гэтага закона для замежных легіянераў.
19 кастрычніка ў Кіеве адбылася сустрэча прадстаўнікоў Палка Каліноўскага з Міжфракцыйным дэпутацкім аб‘яднаннем у Вярхоўнай Радзе Украіны «За Дэмакратычную Беларусь». І як толькі фотаздымкі і справаздачы з гэтага спаткання з’явіліся ў пабліку, градус канспіралогіі ў беларускім грамадстве ўзрос. Пра што гаварылі і дамаўляліся «каліноўцы» і ўкраінскія дэпутаты — радыё Ўнэт спытала нардэпа Аляксея Ганчарэнку, які не толькі прысутнічаў на сустрэчы, а яшчэ і з’яўляецца кіраўніком групы «За Дэмакратычную Беларусь» ва ўкраінскім парламенце.
Паводле паведамлення прэсавай службы палка, у сустрэчы ўзялі ўдзел 11 дэпутатаў, якія ўваходзяць у міжфракцыйнае аб’яднанне «Дэмакратычная Беларусь», на чале з яе кіраўніком Аляксеем Ганчарэнкам.
Абмяркоўвалі ўкраінска-беларускія дачыненні ў кантэксце агрэсіі Расіі супраць Украіны.
Сярод іншага дэпутаты паабяцалі запрапанаваць Кабінету Міністраў Украіны ўнесці змены ў прынятую нядаўна пастанову, якая прадугледжвае, што выплаты, якія ажыццяўляюцца сем’ям і сваякам загінулых абаронцаў Украіны, не будуць выплочваца сем’ям і сваякам загінулых грамадзян Беларусі, калі яны жывуць на тэрыторыі Беларусі.
Таксама дэпутаты паабяцалі паставіць на галасаванне ў Вярхоўнае Радзе пастанову аб прызнанні Беларусі часова акупаванай Расіяй тэрыторыяй. Акрамя таго, дэпутаты паабязалі ваярам палка Каліноўскага адстойваць цікавасці беларускага народа ў міжнародных парламенцкіх структурах.
Беларуска-украінскія стасункі апошні тыдзень штармяць і іскраць. Трыгерам стала Нобелеўская прэмія міру, якую ўручылі праваабаронцам Беларусі, Украіны і Расіі. Украінскія opinion-makers абразіліся, што іх адзначылі разам з прадстаўнікамі краін, што вядуць вайну супраць Украіны. Беларусы нападкі ўкраінцаў не вельмі зразумелі, затое даведаліся, што думаюць пра іх суседзі і што месадж «беларусы і рэжым Лукашэнкі – гэта не адно і тое ж» застаўся незаўважаным.
