Расія зноў атакавала інфраструктуру Украіны: буйныя гарады без святла і вады. Без электрычнасці засталася і Малдова

 104 total views

Расія сёння зноў  атакавала інфраструктуру ўкраінскіх гарадоў: яны засталіся без вады і святла. Электрычнасць знікла і ў Малдове. 

Паведамляюць пра выбухі у Кіеве і вобласці, у Адэсе, Вінніцкай, Палтаўскай, Мікалаеўскай і іншых абласцях Украіны.  Трапленне ў інфраструктурны аб’ект пацвердзіў мэр Кіева Віталь Клічко. Паводле яго слоў, у асобных раёнах горада няма святла, пастаўка вады прыпынена  па ўсім Кіеве.  Харкаў, Хмяльніцкі, Мікалаеў, Львоў  часткова засталіся без святла. У Адэсе няма не толькі святла, але і вады, з-за абясточвання ўсіх помпавых станцый і рэзервовых ліній. 

Аварыйна прыпынены блокі Паўдневаўкраінскай АЭС, ад электрычнасці адключаны блокі Хмельніцкай атамнай электрастанцыі.  У аварыйны рэжым працы таксама пераведзена Ровенская АЭС.

З-за расійскай атакі Кішынёў і шэраг раёнаў Малдовы  засталіся без святла, паведамляе віцэ-прэм’ер Малдовы.

У Кіеўскай вобласці  тры чалавекі загінулі і дзевяць пацярпелі ў выніку траплення ракеты ў двухпавярховы будынак.