Парламент Эстоніі аб’явіў Расію тэрарыстычным рэжымам. Пра гэта гаворыцца ў заяве, апублікаванай на сайце парламента. Дэпутаты таксама заклікалі ЕС «праявіць адзінства ў прымяненні дадатковых эканамічных санкцый, накіраваных супраць Расійскай Федэрацыі і яе саюзніка Беларусі».
Парламент запэўнівае, што Эстонія ніколі не прызнае парушэнне тэрытарыяльнай цэласнасці Украіны ў выніку агрэсіі і правядзення фальшывых рэферэндумаў. «Пуцінскі рэжым, які пагражае ядзернай зброяй, зрабіў Расію самай вялікай пагрозай міру як у Еўропе, так і ва ўсім свеце», – адзначаецца ў прадстаўленай 85 дэпутатамі заяве.
Эстонскія парламентарыі падтрымліваюць патрабаванне пазбавіць Расійскую Федэрацыю статусу пастаяннага члена Рады Бяспекі ААН і заклікаюць дзяржавы Еўрапейскага саюза праявіць адзінства ў прымяненні дадатковых эканамічных санкцый, накіраваных супраць Расійскай Федэрацыі і яе саюзніка Беларусі, і санкцый у адносінах да фізічных асоб, а таксама сачыць за строгім выкананнем уведзеных раней абмежаванняў.
Comments are closed.