Усе вайсковыя кампаніі Расіі цягам доўгай гісторыі заўсёды суправаджаюцца гарачай падтрымкай Маскоўскай праваслаўнай царквы. Ад вышэйшага кіраўніцтва да звычайнага святара – усе бласлаўляюць ваяроў на забойствы, бо тлумачаць гэта вышэйшай місіяй.
З 14 ліпеня 2021 года, вось ужо год і больш як два месяцы, улады Беларусі без якога-кольвек суду ўтрымліваюць Алеся Бяляцкага за кратамі, у тым самым Пішчалаўскім замку – старой турме на цяперашняй вуліцы Валадарскага ў Менску, дзе яшчэ ў пачатку мінулага стагоддзя класік беларускай літаратуры Якуб Колас, зняволены расійскімі жандарамі, мусіў пісаць сваю паэму Новая зямля. Пра тое, як выпускнік філалагічнага факультэта Гомельскага дзяржуніверсітэта, літаратуразнаўца і дырэктар Літаратурнага музея Максіма Багдановіча стаў праваабронцам і здолеў стварыць самы вядомы не толькі з Беларусі, але і далёка за яе межамі Праваабарончы цэнтр «Вясна» распавядае даўні сябар Алеся Бяляцкага, таксама праваабронца, вясновец і паэт Сяржук Сыс.
У Германіі на 70-ым годзе жыцця памёр былы начальнік мінскага СІЗА «Валадарка», аўтар кнігі «Расстрэльная каманда» Алег Алкаеў. Як паведамляе «Наша ніва», прычына смерці пакуль невядомая, будзе судмедэкспертыза.