Нобелеўскую прэмію міру атрымаў беларускі праваабаронца Алесь Бяляцкі. Прэмія таксама прысуджана расійскай праваабарончай арганізацыі “Мемарыял” і ўкраінскай праваабарончай арганізацыі “Цэнтр грамадзянскіх свабод”.
Як адзначылі ў Нобелеўскім камітэце, Алесь Бяляцкі быў адным з ініцыятараў дэмакратычнага руху, які ўзнік у Беларусі ў сярэдзіне 1980-х гадоў. Ён прысвяціў усё сваё жыццё справе дэмакратыі і міру ў сваёй краіне. Бяляцкі ў 1996 годзе стварыў праваабарончую арганізацыю «Вясна» у адказ на спрэчныя змены ў Канстытуцыю, якія далі беларускаму прэзідэнту дыктатарскія паўнамоцтвы. Арганізацыя з часам пераўтварылася ў інстытут, які дакументуе выпадкі парушэння грамадзянскіх правоў і свабод у Беларусі. А Бяляцкі за сваю дзейнасць сядзеў у турме і зараз знаходзіцца за кратамі.
Comments are closed.