Loading

Гадавіну вайны ва Украіне расійская апазіцыя сустрэла ў Варшаве з’ездам народных дэпутатаў. Гэтая была другая сустрэча адзіных легітымных, як яны самі сябе называюць, прадстаўнікоў расіян – сабраліся дэпутаты, якія калісьці былі абраны ў парламенты розных узроўняў.

З дэлегатам з’езда, былым кіраўніком аднаго з муніцыпалітэтаў Ленінградскай вобласці Дзмітрыем Ушацкім радыё Ўнэт пагаварыла пра перспектывы Расіі, будучыя стасункі з Украінай і ці можна паўплываць на сітуацыю ўнутры Расіі з-за мяжы.

Сцісла ў размове:

  • Яшчэ не саспелі расіяне ўнутры краіны, у тым ліку і па ацэнцы вайны. Хтосьці закрыўся ў сваім свеце, хтосьці сеў, хтосьці з’ехаў. У тых, хто першапачаткова падтрымліваў гэтую ўладу, я не бачу ніякіх масавых змен у свядомасці. Напэўна, прапагандзе штосьці ўдаецца рабіць. І фінансавая падушка яшчэ ёсць: пакуль не скончыліся грошы на бюджэтнікаў, на армію, на «мянтоў», гэта будзе працягвацца
  • Для мяне ілюзій не было з 2014 года, мы з’ехалі з Расіі ў тым ліку і з-за Крыма. Ужо тады было зразумела, што нічым добрым уся гэтая сітуацыя не скончыцца, але такога ходу падзей (вайны) дакладна не чакалі.
  • Перспектывы Расіі: распад, рэканструкцыя, рацыяналізацыя – можна спрачацца пра тэрміналогію, але гэта дазволіць вылечыць Расію. Галоўнае, пазбавіцца ад імперскіх, шавіністычных замашак.
  • Адносіны з Украінай: будзе складана. Нам трэба на каленях прасіць прабачэння. А Расія павінна выплочваць рэпарацыі і пажадана, каб кожны, хто падтрымлівае вайну, плаціў з уласнай кішэні. Акрамя таго, людзям трэба тлумачыць, што адбылася жудасная памылка.

Падрабязней слухайце ў плэеры ніжэй.

Comments are closed.