92 total views

Ваеннаслужачыя Расійскай Федэрацыі «літаральна ў бліжэйшыя дні» прыбудуць у Беларусь у рамках стварэння сумеснай рэгіянальнай групоўкі войскаў. Пра гэта  паведаміў  намеснік начальніка Генштаба Узброеных сіл Беларусі па навуковай рабоце палкоўнік Віктар Тумар. 

З імі будуць праводзіцца планавыя мерапрыемствы баявой падрыхтоўкі, накіраваныя на павышэнне ўзроўню выканання задач па абароне Саюзнай дзяржавы.

Па словах Тумара,  рашэнне аб стварэнні Рэгіянальнай групоўкі войскаў  рэалізуецца ў інтарэсах узмацнення аховы і абароны дзяржаўнай мяжы Беларусі для зніжэння ваеннай актыўнасці ў памежных  раёнах. Аснову групоўкі  будуць складаць Узброеныя Сілы Рэспублікі Беларусь па штаце мірнага часу, а таксама асобныя воінскія фарміраванні Расійскай Федэрацыі. Намеснік начальніка Генштаба паведаміў, што рэгіянальная групоўка войскаў  Саюзнай дзяржавы з’яўляецца выключна абарончым праектам.

Comments are closed.