Рэжым контртэрарыстычнай аперацыі дзейнічае ў Беларусі, узброеныя сілы і спецслужбы краіны «гатовы даць адпор на правакацыі з боку сумежных дзяржаў», заявіў кіраўнік МЗС Уладзімір Макей у інтэрв’ю газеце «Известия» . Афіцыйна пра гэта раней не паведамлялася.
Па словах Макея, была інфармацыя, што з боку асобных сумежных дзяржаў плануюцца правакацыі, звязаныя ледзь не з захопам асобных участкаў тэрыторыі Беларусі. Таму Беларусь павінна клапаціцца аб сваёй уласнай бяспецы, абараніць сваіх людзей і зрабіць так, каб «ні на адзін метр нашай зямлі не ступіла нага акупанта».
«І ўзброеныя сілы Рэспублікі Беларусь, і праваахоўныя структуры, і спецслужбы гатовы даць адпор на любыя правакацыі, якія могуць узнікнуць з боку сумежных дзяржаў», — заявіў кіраўнік МЗС Беларусі і дадаў, што Лукашэнка « правеў шэраг нарад з сілавымі структурамі, уведзены рэжым контртэрарыстычнай аперацыі».
Па ацэнцы Макея сёння Беларусі трэба баяцца пагроз практычна з усіх накірункаў, за выключэннем усходняга.
Comments are closed.