Прэм’ер-міністр Ізраіля Яір Лапід і прэзідэнт Турцыі Рэджэп Таіп Эрдаган правялі афіцыйную сустрэчу падчас Генеральнай Асамблеі ААН. Пра гэта паведамляе офіс прэмʼер-міністра Ізраілю.
У паведамленні сказана, што лідары абмеркавалі пытанні эканамічнага і энергетычнага супрацоўніцтва паміж краінамі і ў рэгіёне ў цэлым.
Таксама абмяркоўвалася тэма барацьбы з тэрарызмам. Яір Лапід падняў пытанне аб зніклых без вестак і ўзятых у палон грамадзянах Ізраіля і важнасці іх вяртання дадому. Ён таксама падзякаваў свайму турэцкаму калегу за супрацоўніцтва дзвюх краін у сферы абмену разведвальнымі звесткамі.
Дыпламатычныя адносіны паміж краінамі былі адноўлены 17 жніўня 2022 года, калі бакі пагадзіліся вярнуць сваіх амбасадараў пасля больш чым 10 гадоў разрыву дыпламатычных адносін.
Comments are closed.