Лідэры краін Групы сямі ў аўторак правядуць тэрміновую сустрэчу з-за масіраваных ракетных удараў па Украіне, гаворыцца ў заяве брытанскага ўрада.
«Лідэры G7 сустрэнуцца, каб пацвердзіць адзінства пазіцыі супраць жорсткасці Пуціна ва Украіне. За апошнія 24 гадзіны Расія ўзмацніла атакі на ўкраінскія гарады, забіваючы мірных жыхароў, адключаючы электраэнергію і сувязь,» – гаворыцца ў заяве.
Відэаканферэнцыя, у якой таксама прыме ўдзел прэзідэнт Украіны Уладзімір Зяленскі, з’яўляецца першай сустрэчай усіх лідэраў G7 з моманту пачатку контрнаступлення Украіны на Данбасе.
У панядзелак прэм’ер Вялікабрытаніі Ліз Трас правяла тэлефонную размову з прэзідэнтам Украіны Уладзімірам Зяленскім, на якой абмяркоўвалася пытанне абароны ўкраінскага неба.
Comments are closed.