Кіеў, Дняпро, Жытомір — расіяне раніцай нанеслі ўдар па энергетычных аб’ектах Украіны, гарады часткова засталіся без электрычнасці і вады

Па ўсёй тэрыторыі Украіны аб’яўлена паветраная трывога.  Апошняй авіяцыйную трывогу аб’явілі ў Закарпацкай вобласці.  

Раніцай 18 кастрычніка Расія зноў нанесла ўдар па Кіеве: зафіксавана як мінімум тры трапленні ў аб’ект энергазабеспячэння на левым беразе сталіцы.

Раніцай расіяне атакавалі аб’ект энэргетычнай інфраструктуры ў Дняпры. Па словах намесніка кіраўніка Адміністрацыі прэзідэнта Кірыла Цімашэнкі,  аб’ект атрымаў сур’ёзныя пашкоджанні.

Пасля ранішняга  абстрэлу Жытомір застаўся без святла і вады.  «Раніца пачалася з вылетаў на Жытомір. Цяпер у горадзе няма святла і вады», — напісаў мэр Жытоміра Сяргей Сухамлін.

Уначы  горад Запарожжа атакавалі ракетай і дронам «Шахед-126» іранскай вытворчасці. У выніку нападу на аб’екце інфраструктуры ўзнік пажар.

«Харкаў абстраляны — на працягу пяці хвілін у горадзе прагрымелі дзве серыі выбухаў» , —напісаў мэр Харкава Ігар Церахаў. Паводле папярэдняй інфармацыі, пад ўдарам  тэрыторыя аднаго з прамысловых прадпрыемстваў горада. Харкаўскі метрапалітэн часова спыніў працу.  Грамадзяне могуць выкарыстоўваць станцыі ў якасці сховішча.

Падчас начнога абстрэлу расіяне  патрапілі ў двухпавярховы дом у Мікалаеве, пад абломкамі знойдзена  цела мужчыны.