Loading

Дзярждэпартамент ЗША устрывожаны навінамі аб затрыманні Дар’і Лосік і заклікае беларускія ўлады вызваліць не толькі саму Дар’ю,  але  яе мужа і  ўсіх палітвязняў Беларусі. Пра гэта падчас брыфінгу заявіў  намеснік кіраўніка прэс-службы   амерыканскага знешнепалітычнага ведамства Ведант Патель.

«Мы былі ўстрывожаныя, калі даведаліся на гэтым тыдні, што Дар’я Лосік, жонка палітвязня Ігара Лосіка, цяпер сама знаходзіцца ў турме, як паведамляецца, за садзейнічанне экстрэмісцкай дзейнасці, у прыватнасці за інтэрв’ю незалежнаму СМІ, якое беларускія ўлады палічылі экстрэмісцкім, –адзначыў Ведант Патель  і дадаў, — Ігар са снежня 2021 года адбывае 15-гадовы тэрмін за працу блогерам і журналістам беларускага бюро  Радыё Свабода. Чатырохгадовая дачка Лосікаў засталася без бацькоў, адзінае злачынства  якіх у тым, што яны марылі і працавалі на справу дэмакратычнай і суверэннай  Беларусі  для свайго пакалення. Затрыманне Дар’і гэта яшчэ адна атака рэжыму Лукашэнкі на правы чалавека і асноўныя свабоды».

Дзяржаўны Дэпартамент ЗША заклікаў  да неадкладнага і безумоўнага вызвалення Дар’і і Ігара Лосікаў і ўсіх палітвязняў.

Comments are closed.