Святлана Ціханоўская наведала Нацыянальны архіў Эстоніі. Перад яе прыездам Нацыянальны архіў займаўся пошукам унікальных матэрыялаў часоў БНР і яе стасункаў з Эстоніяй.
Лідару дэмакратычнай Беларусі паказалі арыгінал дакумента аб прызнанні незалежнасці Эстоніі Радай БНР. Беларусь стала адной з першых краін, якія прызналі Эстонію, і адкрыла амбасаду ў цэнтры Таліна.
Таксама ёсць шмат дакументаў з перапіскай паміж беларускім прадстаўніцтвам у Таліне і ўрадам Эстоніі. І цяпер, як і 100 гадоў таму, асноўныя тэмы перапіскі: візы, міграцыя, від на жыхарства для беларусаў у Эстоніі.
Прапануецца стварыць рабочую групу вучоных, якія маглі б вывучыць знойдзеныя дакументы і прадставіць іх грамадскасці.
Comments are closed.