Знакамітая дакументальна-мастацкая хроніка «Галасы ўтопіі» па-беларуску гучыць упершыню і ў найноўшым перакладзе. На сайце інтэрнэт-бібліятэкі Kamunikat ужо з’явілася першая ластаўка праекта – аўдыёбук «У вайны не жаночы твар». Адну з самых вядомых у свеце кніг пра вайну ў перакладзе Валяціна Акудовіча агучыў зорны акцёрскі склад – Крысціна Дробыш, Алег Гарбуз, Сяргей Чуб і Алена Баярава.
У Кіеве на базе беларуска-ўкраінскага хабу «Сустрэча» адбылася дыскусія, прысвечаная 33-й гадавіне абвяшчэння незалежнасці Беларусі.
22 ліпеня Музей Вольнай Беларусі святкаваў першую гадавіну з моманту адкрыцця. Гэтая пляцоўка, якая паўстала ў самым цэнтры Варшавы з дапамогаю НАУ, за год стала адным з сапраўдных культурных цэнтраў Беларусі ў польскай сталіцы і за яе межамі. Як кажа кіраўніца музея, Наталля Задзяркоўская, год быў складаны, але вельмі насычаны і натхняючы.
Актыўнасць баевікоў ПВК «Вагнер» на Беларусі працягвае расці. Увесь мінулы тыдзень назіралася нарошчванне іх колькасці. З Расіі прыбывалі ўсё новыя калоны аўтатранспарту, а апошнія спадарожнікавыя фотаздымкі, апублікаваныя ў інтэрнэце, паказваюць, што лагер баевікоў каля вёскі Цэль павялічваецца ў памерах. Баевікі не проста заязджаюць у Беларусь, яны паціху актывізуюцца ў ёй. Ужо ідуць заняткі з беларускімі вайскоўцамі, «вагнераўцы» сталі і гасцямі беларускіх прапагандыстаў тыпу Азаронка, з імі нават сустракаюцца на ўзроўні міністраў.
Алену Баяраву слухачы радыё Ўнэт ведаюць па праграме «Літаратурныя ночы з Васілём». Аматары беларускіх аўдыёбукаў могуць пачуць яе голас у кнізе Святланы Алексіевіч «У вайны не жаночы твар» – артыстка цяпер удзельнічае ў запісе беларускіх перакладаў пяцікніжжа нобелеўскай лаўрэаткі. Ну а сталічныя тэатралы памятаюць Алену перадусім па яе характарных вобразах, якія яна стварала цягам многіх гадоў у Рэспубліканскім тэатры беларускай драматургіі. Пасля таго, як кіраўніцтва яе «скараціла», Алена вырашылася на эміграцыю. Цяпер жыве і працуе ў Варшаве і прызнаецца, што ў свае 50 памаладзела і пачала новае, цікавае, а галоўнае, насычанае і вельмі творчае жыццё.
Што ўяўляе і на што мусіць быць накіраваны беларускі бізнес у эміграцыі? Гэтая тэма стала адной з абмеркаваных на дыскусійных платформах падчас сёлетняга фестываля абуджаных «Тутака». На фоне агульнага пагаршэння стаўлення да беларусаў у сувязі з развязанай Пуціным і Лукашэнка вайной, нашым суайчынікам у замежжы важна стварыць моцную ўплывовую супольнасць, лічыць сузаснавальніца арганізацыі «Беларуская супольнасць бізнесоўцаў», якая першапачаткова з’явілася ва Украіне, Наталля Красько.
У суботу, 29 ліпеня, незалежныя беларускія медыі аб’яднаюцца ў 12-гадзінным усебеларускім анлайн-марафоне салідарнасці «Нам не ўсё адно!», каб сабраць грошы для палітычных зняволеных і іх сем’яў. Да эфіру далучацца блогеркі і блогеры, палітыкесы і палітыкі, дзеячкі і дзеячы культуры і спорта, грамадскія актывісткі і актывісты.
Вось ужо месяц, як з медыяпрасторы не сыходзіць тэма расійскіх наймітаў з прыватнай ваеннай кампаніі Вагнэр. Гэтая структура, якая нарабіла шмат шуму сваім мецяжом месяц таму, усё ж, з’явілася ў Беларусі. Але, што паказаў гэты месяц? Гаворым з палітычным аналітыкам праекту «Позірк» Аляксандрам Класкоўскім.
Разлік на сілавы варыянт зменаў у Беларусі агучылі на мітынгу 23 ліпеня ў Беластоку каля беларускага Генеральнага консульства прадстаўнікі Грэнадзёрскай харугвы «Паспалітага рушэння». Ваяры-дабраахвотнікі заклікалі беларусаў незалежна ад полу і ўзросту ўступаць у свае шэрагі і тым самым працаваць на тое, каб Беларусь не аказалася паглынутай Расіяй.
Сацыяльныя сеткі Валерыя Руселіка (блогер Daroha) прызналі экстрэмісцкімі матэрыяламі. Суд Ленінскага раёну Горадні паглядзеў YouTube, Facebook, TikTok ды Twitter блогера і вырашыў, што яны пагражаюць нацыянальнай бяспецы.
