У Гомельскім абласным судзе з 9 лістапада адбываюцца судовыя паседжанні над дзесяццю актывістамі Рабочага руху, якіх затрымалі яшчэ ў верасні мінулага года і больш як год без якога-кольвек суда трымалі ў зняволенні. У чым іх абвінавачваюць, якія дзеянні леглі ў аснову гэтых абвінавачванняў і якім чынам спецслужбам Лукашэнкі ўдалося іх затрымаць нам распавёў адзін з сузаснавальнікаў і спецыяліст у знешніх сувязях Рабочага руху Юрый Рававы.
Пра дэмакратыю і правы чалавека на прыкладзе жнівеньскіх падзей: беларускія актывісты ў Польшчы ладзяць праект пад назвай «Гадзіна адсюль на ўсход» (Godzina stąd na wschód).
З 24 па 27 лістапада ў Варшаве праходзіў Гістарычны кніжны кірмаш. Сёлета гэта папулярнае мерапрыемства адбылося ў 30-ы раз і аб’яднала каля 180 выдавецтваў з Польшчы, Беларусі і Украіны.
Шлях у журналістыку для Алёны Дубовік пачаўся з дэкрэтнага водпуску. Менавіта тады настаўніца па адукацыі пачала пісаць для рубрыкі «Ребенок.BY» на партале TUT.BY. Затым яна ўзначаліла гэтую рубрыку і пайшла навучацца ў Пражскую школу журналістыкі.
Мы ўжо расказвалі раней у нашым эфіры пра адкрыццё ва Украіне фестывалю дакументальнага кіно «1084 На мяжы». Адбыліся паказы ў Львове і зараз плануюцца паказы ў Кіеве і Адэсе. Аб праграме фестывалю і яго пляцоўках радыё Ўнэт пагаварыла з суарганізатаркай, кіраўніцай грамадскай арганізацыі «Звяно» Таццянай Гацура-Яворскай.
Як бачаць Беларусь замежныя журналісты і што расказваюць сваім чытачам? Медыйны вобраз Беларусі за мяжой ужо другі раз даследаваў Цэнтр Новых ідэй. Аўтаркі даследавання – Леся Руднік і Кацярына Шмаціна. Асноўная задача: паглядзець, хто, што і колькі пісаў пра нашую краіну з сярэдзіны 21 года па сярэдзіну 22-га. Сёлета, праўда, апроч колькасных характарыстык, вывучалі і якасныя: аўтары прааналізавалі артыкулы і пагаварылі з журналістамі. Публічная прэзентацыя даследавання адбылася 25 лістапада.
102 гады таму, 27 лістапада 1920 года, пачалася спроба ўзброенай абароны незалежнасці Беларусі ў раёне Слуцка. Мясцовыя паўстанцы больш за месяц паспяхова супрацьстаялі бясконцым хвалям чырвонай арміі. Гэты дзень стаў Днём Памяці і Гонару беларускага народа. І беларусы па ўсім свеце ўспамінаюць пра подзвіг продкаў.
26 лістапада раптоўна пайшоў з жыцця міністр замежных спраў Беларусі Уладзімір Макей. Гэтая смерць падзяліла беларускае грамадства на тых, хто шкадуе, што функцыянер рэжыму не дажыў да суда, і на тых, хто спачувае, бо лічыць Макея адным з самых прагрэсіўных і ліберальных чыноўнікаў Лукашэнкі.
У суботу 26 лістапада раптоўна памёр міністр замежных спраў Беларусі Уладзімір Макей. Яму было 64 гады. Афіцыйна прычыну смерці міністра да гэтага часу не паведамілі, неафіцыйная версія – інфаркт. Памёр міністр напярэдадні свайго візіта ў Польшчу на саміт АБСЕ, у Расіі ў гэты час пачала пашырацца інфармацыя пра знішчэнне Лукашэнкі, які перашкаджае ўступленню Беларусі ў вайны, беларуская прапаганда пра Макея практычна не кажа – і гэта ўсё гэта ўзмацняе канспіралагічны фон вакол гэтай смерці.
Што пачытаць, куды схадзіць, дзе адпачыць і да каго прыслухацца: у нашым аўдыягайдзе мы шукаем для вас пяцёрку cамага-самага. Гэтым разам слухаем Топ-5 знакавых для беларусаў песень.
