Грамадская палата самаабвешчанай ЛНР звярнулася да Леаніда Пасечніка з прапановай неадкладна правесці рэферэндум аб яе ўключэнні ў склад Расіі, паведамляе Луганскі інфармацыйны цэнтр. З аналагічным зваротам выступіла Грамадская палата самаабвешчанай ДНР да Дзяніса Пушыліна, паведамляе Данецкае Агенцтва Навін.
Па ініцыятыве ЗША ў Нью-Йорку адбылася трохбаковая сустрэча міністра замежных спраў Арменіі Арарата Мірзаяна, дзяржсакратара Энтані Блінкена і міністра замежных спраў Азербайджана Джэйхуна Байрамава. Кіраўнікі МЗС Арменіі і Азербайджана знаходзяцца ў Нью-Йорку для ўдзелу ў 77-й сесіі Генасамблеі ААН.
У Палату прадстаўнікоў Беларусі ўжо паступіў законапраект аб грамадзянстве, чакаецца праект закону аб амністыі.
У Міністэрства замежных спраў Малдовы выклікалі амбасадара Беларусі праз заявы Лукашэнкі. Прадстаўнік знешнепалітычнага міністэрства Даніэль Водэ адзначыў, што паслу будзе прадстаўлена прынцыповая пазіцыя, што «грамадзяне Рэспублікі Малдова рашуча асуджаюць вайну Расіі супраць Украіны».
Святлана Ціханоўская прыбыла ў Нью-Йорк для ўдзелу ў 77-й сесіі Генеральнай Асамблеі ААН, якая пройдзе з 21-26 верасня 2022 года.
Сама мала 10 катавальняў на вызваленай тэрыторыі, масавыя пахаванні і здзекі з замежнікаў – тое, што пабачылі ўкраінскія паліцэйскія, калі адразу за вайскоўцамі ўвайшлі ў дэакупаваныя гарады і сёлы Харкаўшчыны, а таксама – як выкрываюць калабарантаў, што супрацоўнічалі з захопнікамі, і што з імі будзе надалей. Асноўнае з брыфінгу кіраўніка Нацыянальнай паліцыі Украіны Ігара Кліменкі.
Калі глядзець на лічбы статыстыкі, якія яшчэ можна знайсці ў адкрытым доступе, то сітуацыя ў эканоміцы Беларусі аптымізму не выклікае: ВУП упаў на 5.2%, інфляцыя з пачатку года амаль 18%, прыблізна на 8% скараціўся знешні гандаль. Тым не менш, эксперты даследчага цэнтра BEROC фіксуюць паляпшэнне эканамічнага і фінансавага настрою бізнесу і беларусаў. Вайна і санкцыі аказаліся не такімі балючымі, як здавалася ў красавіку падчас мінулага апытання, а беларускім уладам пакуль удаецца купіраваць ключавыя шокі.
14 верасня, два гады таму, жыхары Брэста падчас пратэстаў зладзілі вялікі карагод і каля 20 хвілін танчылі на дарозе.
14 верасня гарадзенскаму журналісту-расследавальніку Дзянісу Івашыну прысудзілі 13 гадоў і 1 месяц за нібыта здраду радзіме. Галоўная віна журналіста ў тым, што ён расследаваў злачынствы лукашэнкаўскага і пуцінскага рэжымаў. Жонка Дзяніса Вольга Івашына пракаментавала гэты вырак.
У самым цэнтры Варшавы, на вуліцы Маршалкоўскай, адкрылася рэфармаваная баптысцкая царква Святой Троіцы, якую заснавалі беларусы. Пра сутнасць рэфармаванай царквы і адкрыццё распавядае сузаснавальнік прыхода, пастар Зміцер Хведарук.
