У чацвер, 23 сакавіка, у Варшаве адбудзецца сустрэча з Наталляй Пінчук, жонкай Алеся Бяляцкага.
Вас чакае аповед пра Алеся Бяляцкага, гісторыі з жыцця, выступы сяброў, а таксама прэзентацыя відэавыступу Алеся перад арыштам, чытанне яго твораў пра 90-я, і невялічкі музычны выступ.
Уваход вольны. Рэгістрацыя па спасылцы.
Вялікі канцэрт да 105-й гадавіны БНР!
Вольны хор будзе выконваць усім добра вядомыя песні, а таксама прагучаць прэм’еры забытых твораў – вынік працы па рэстаўрацыі песень беларускіх жаўнераў.
Вялікі склад Вольнага хора і Вольны аркестр на Дзень Волі ў Гданьску.
Мастачка CEMRA запрашае на выставу:
«З нецярпеннем, але спакойнай радасцю запрашаю на адкрыццё сваёй маючай адбыцца выставы LAZARET.
Мае працы – візуальнае даследаванне траўмы, дзе я выкарыстоўваю новы падыход да перадачы сваіх пасланняў, ужываючы ў карцінах бінты замест палатна. Бінт як знак спагады адзін да аднаго, знак дапамогі і эмпатыі. Гэтым жэстам я сімвалізую важнасць суперажывання, падтрымкі і ацалення.
У сценах LAZARETа будзе прадстаўлена калекцыя карцін і арт-аб’ектаў, створаных за апошнія тры гады ў трох краінах: Беларусі, Украіне і Польшчы. Ад масіўнага жалобнага вэлюму з малюнкам востра-колкага дроту 6х6 метраў, да карцін, якія спалучаюць скульптуру і жывапіс: кожная праца зʼяўляецца адлюстраваннем нашага агульнага вопыту. Некаторыя з карцін, прадстаўленых на выставе, эвакуіраваны з Кіева ў пачатку вайны, што надае яшчэ адзін узровень значнасці і глыбіні эмацыйнаму падарожжу.
LAZARET дазволіць сустрэцца з траўмамі тварам да твару і пачаць аднаўленне. Прынамсі, у мяне ёсць бінты, каб апрацаваць гэтыя раны».
Выстава будзе суправаджацца арыгінальным тэкстам культуролага, журналіста і педагога Максіма Жбанкова, тэрапеўтычную атмасферу яшчэ больш узмоцніць жывы выступ Русі, вакалісткі гурта «Shuma».
У пятніцу, 17 сакавіка, у Варшаве адкрываецца выстава твораў рэпрэсаваных беларускіх мастакоў «ВІТАНКІ З БЕЛАРУСІ».
Гэта жыццёвы погляд і рэакцыя на апошнія падзеі ў Беларусі, вернісаж твораў мастацтва, створаных у 2020-2023 гг.
Усе мастакі былі рэпрэсаваныя, вымушана пакінулі краіну, a большасць з іх адбылі турэмны тэрмін.
На выставе будуць працы розных стыляў і жанраў, відэаарт, карціны на адзенні, перфарматыўныя карціны, інсталяцыі, турэмныя малюнкі.
Сярод удзельнікаў выставы:
У гэты вечар адбудзецца таксама аўкцыён-продаж некаторых карцін, сродкі з якога пойдуць на падтрымку рэпрэсаваных мастакоў і арт-рэзідэнцыі «Дом Творцаў».
Уваход вольны, дужа вітаюцца данаты!
25 сакавіка Беларусы па ўсім свеце адзначаюць Дзень Волі – гадавіну абвяшчэння ў 1918 годзе незалежнасці Беларускай Народнай Рэспублікі, першай нацыянальнай дзяржавы беларусаў! Афіцыйным сцягам тады стаў бел-чырвона-белы, гербам – «Пагоня», а беларуская мова атрымала статус дзяржаўнай.
Так, 25 сакавіка 2023 года прадстаўнікі беларускай дыяспары Ізраілю сіламі творчага аб’яднання BSRB Production ды Народнай Амбасады Беларусі ў Ізраілі арганізуюць святкаванне 105-й гадавіны ад падпісання Акту Незалежнасці. Прыходзьце адзначыць гэтую яскравую дату разам з намі!
Сцэна Вольных:
Вядучы – Зміцер Лукашук (Еўрарадыё)
Апасля канцэрту – вольны Karaoke!! (Besarabia Bar, Jerusalem)
Кірмаш Вольных (ручныя работы беларуска-ізраільскіх творчых дзеячаў):
Квіткі: eventbuzz.co.il
Сувязь: [email protected]
Арганізатары:
BSRB PRoduction
Народная Амбасада Беларусі ў Ізраілі
У Варшаве адзначаць 105-ыя ўгодкі абвяшчэння Беларускай Народнай Рэспублікі.
25 сакавіка (субота)
Варшава, збор у 12:45 каля калоны Жыгімонта
МАРШ па цэнтры горада
(пачатак у 13:00, plac Zamkowy)
МІТЫНГ-КАНЦЭРТ
(пачатак у 15:00, plac Konstytucji)
Палітычная частка:
Зянон Пазьняк, Павал Латушка, Аліна Коўшык, прадстаўнікі арганізацый РУХ, Паспалітае рушэньне, Вольная Беларусь, Палка імя Кастуся Каліноўскага, Рады БНР, Каардынацыйнай Рады, суполкі «Беларусы Варшавы», Моладзевага Хабу, прадстаўнікі Польшчы і Украіны, і іншыя.
Музычная частка:
Dzieciuki, NRM, 23:34, Пятро Клюеў (гурт ЛСП), Руся (гурт Šuma), Ketevan, Сяржук Доўгушаў, Lity Taler, Дом сувязі, Atesta.
